www.24work.blotsport.com

Blogger Widgets Blogspot Tutorial Blogger Widgets Blogspot Tutorial

Friday, May 24, 2013

(1/10) SAWM A KHAT PIEH NA DING MUN LEH PIEH DAN DING THU. (Malachi 3 : 10)Na sawm a khat te uh bieh Innpi ah hingtawi lut kim un,Tuachiin neh leh tah hing kining ching va, Keima hing patep un, tuachiin keiman van kottate hing hongin sil hoi chinteng hng buoh suh vang. Tuni chieng dong Izotate tammi Sawm a khat tung ah ichitah thei nai sih vua, tunidong I suonsung, I unau sung, Ipawlpi sung,Ikhuosung, Iminam sung in hat la naleh khantou la na tampi tah ituoh kha uh hi.Minam dang pawlkhat leh eima zo sung mama ah zong Sawm a khat tham thadah sawm Nih/Thum zong apie pawl khat zong kathei a, Ahin imi lip in tam Sawm a khat thupidan leh mulkin buoi dan thupha hing kipat na ahi lam pawlkhat in thei na pi theimaw kibawl in pawl khat vang ahileh athei zou nai lou zong tampi tah ki om lai hi.tam te pen athei na ding ei pasien na sem te I mopuoh na ahi hi. SAWM A KHAT PIEH NA DING MUN :- Atung a laisiengtho ithubulphu uh ahi Malachi 3:10 Na sung ah, Ka bieh Innpi sung ah hingtawi lut kim un achi hi.Tammi munlai tah ah, tampi tah itel khiel kha vua, Sawm a khat nakhol khawm khawm in, kawlgam pan ahizong muntuom tuom pan Pasien nasem veve ahi a Unau pa, a Tupa, a Gang, a Sungpa, a Pu chidan in Pasien nasem aki om koikoi a, Tuote ahawh ching leh a Sawm a khat teng pieh in, thunget na neisah hi.Tam pen thuman lou leh lamdih lou tah a, iki pui na uh khat ahibou hi. Bangjieh in Laisiengtho in na sawm a khat te uh ka Bieh Innpi ah hingtawi lut kim un,tuachi keiman thupha kangpie ding hi achi ahibou hi. I laisingtho te zong limsim vai in akhiet na zong tel sawm vai. Na sawm a khat te uh Na sungpa,Na tupa, Na nuphalpa, Na Gang pasien na sem ahijieh in na dawn pieh in chikoi lou a, Ka Bieh Innpi ah achi nop na pen tulai tah Pasien nabieh na mun nakikhop na na Bieh Innpi ah natawi lutkim un chi na ihi zawh hi.Na dawnpieh un chi na hikoi lou hi.Tuobang a, Sie te, Pastor, Na Inn a thungen a angvah leh Pasien min na Inn a, Thupha hingpieh te pen aguoh in na kie sah ngai sih ding a, Maicham lui na nanei ding a, Pakan Plat khat la in, napieh ding zah sum hi in van hita leh Table Savuoi tung lui in thupha pieh na nanei sah ding hi.Ahin napieh ding Sum pen na Sawm a khat te hikoi lai zang lou ding a, (9/10)Sawm a Kuo sungpan nang ma satan pan hi ding hi.Na Sawm a khat pen na kikhop na Bieh Innpi ah, na khie ding a, atawp na ah Inn Lam I pawlpi te zong et ngai I sah leh Bieh Inn sung a tung teitei ding leh Sie te Upate’n a aptei tei ding in tung sah in. Hawm koikoi thei ahi hi.Ahin pawlkhat te pen Inn lam zong khie tuon lou letsih a pawlpi ding zong khie tuon lou vei vom ngitnget maw ahi zieh in na Christian hi na zong agam mang na hi ban ah, ei leh ei ithupha nah kha kang ki suoh hi. ( Siempudan Lev 27:30) Gah leh te hi in sum lam sang hi ta lhe Se sawm suo sekhat Mangpa neisah/satan ahi na chi kia hi. I lawh khiet sum lah a, Laisiengtho in achi tahtah ahi bou hi,Pasien a ding ipieh nuom lou iki lepsan tah chieng leh Pasien in mundang tuom khat ah, eipieh sah thei hi.tuote pen bang ahei chi leh 1. Zato Hospital ah eipieh sah thei 2. Thu leh la tuomtuom eituoh sah alam dang in eipieh sah thei 3. Dah miah Suomhat migilou Kala te kung ah nangpie sah thei 4. Pali Police te I sesuo sang a, tam zah kipie thei, 5. Nat gilou Opetation Khuaisei na ah kipie thei chidan in atampi om hi ahin Nambat 1-5 chieng chilei itel lel ding hi.(Pasien satan Pasien ipieh sih leh Ipu Ipa ten thusie ituoh nuom ching I tap kuotawng ah ei zuan hi chi uh hi) Pasien ading apieh na man a ipieh sih leh aman ipieh thei nading lam tampi ah ahilou in ama kung a, ipieh sang in atam zawh in eipieh sah thei hi. SAWM A KHAT PIEH DAN DING :- Malaysia ah (Exerience Atuih chong) khat ahi Tangval khangno khat kung ah Sawm a khat pieh danding ka gen leh Aman bang eigen ahei chi lei Sie Pa , Sawm a khat kichipen bang chi na ahei bangzah pieh ding ahei eichi hi.Ama pen ei khel dawh hilou in athei lou tahtah na hi maw hi.Bang zah khen khiet ding zah zong atel nailou hi maw hi. Ken zong ka dawng a, Sawm a Khat chipen Rm 1/- lah a, Rm 10 sen/-, Rm 10/- lah ah, Rm 1/-, Rm 100/- lah a,Rm 10/- Rm 1000/- lah ah, Rm 100/- Rm 10000/-lah a, Rm 1000/- chi in aban ban in ka genpih ditdet hi.Tuni in Sie te Pastor pawl khat Sawm a khat thupen Sie te Pastor te hagen sih leh hoiding chi zong akigen a, tuo hizawh lou in Pastor/Sie te Upa te ma in gen semsem ding tel sah na mama ding pen ikhantou na uh hi zaw ding in ka mu hi. Pieh dan ding tawh kisai in, Aleysa Address kichien mama kul ding hi. Yangon a, na Innkuonpi te lai/van khat poupou lha ding pen Kalaymyo / Tamu leysa Address giel in Courier aganggan mama te tawh nabawl zong in ami omlou in kisui maw ding a, atawp na ah tuomi lai puo koikoi pa post man pa lungtang tha ding a, Post office ah kile kia ding hi Red ink pen, Pen tuisan in atung ah kigiel ding a, ami kimu zou lou in nang ma kung ma ah hing tung kia ding a, na liu lai ding hi.Bang zieh in Address mun min man lou ahi zieh ahihi.Tuoma bang in I Sawm a khat pieh dan te zong a address aman amah? Aman lou ahei chi pen tuni in a tha in ikikum nuom kia uh hi.Na pieh na mun a man leh thupha na ngah ding a, na pieh na mun aman sih leh ham sat na nat na , gen thei na hamsiet na in na Innsung hing buoh nen ding hi.Tuni in IMangpa pasien in Lha khat sung bil bel buoi na om lou in chidam ludam na hingpie in na eisem sah thei in Lha sum Salary I sang thei uh hi. Chidam ludam na ama kung a, hingkipan ahizieh in I lawh khiet sum leh pai te I vei vom nonsih ding vua, Sie te khat hi in Upa te khat tawh personally ikihou khiel kha na pen tawh Pasien sum pen Bieh Inn tung lou in imaw koi sih ding uh hi. Tuni I Sawm a Khat te a leysa Address man in tung sah vai, Leysa man chichieng leh Bieh Inn sung tung teitei ding chi na ahi hi.Dawn pieh nonlou ding Na Pa / Nu, Na Gang / Ni, Na Nuphalpa/Nu, leh adangdang Pasien na sem ahivang in ama te kung ah na sawm a khat maw dawn pieh sin, Sie man, Sie kichien te leh Pasien zieh tawh tonten Sawm a Khat pen maw don neh ngam lou hi. SAWM A KHAT A PASIEN KUNG A, AP DAN DING;- Tam thu tawh kisai in pawlpi khat leh khat zong atawn dan akibang sih a, Hinan leh akilawm leh zah chiet thei ding a, hoi in Sawm a khat pen na sem sil bawl ten hamsa pipi leh amui a hiem sithei na liemthei na tampi tah tawh angah sum pen Manggam na sep na ding a, ang khen khiet ahizieh in SAWM A KHAT PEN Church Pastor pa, Sie pa, Upa te khat penpen lunglut tah leh guntu tah in MANGPA MAI ah ap na nei ding pen hoi hi, Numei /Khangnou pou in ap ding pen ki lawm lou hi. Tuojieh in Sawm a khat thunget na thupha pieh ding pen Sie te, Upa te ma hiding hi. Akoi mapaou IMANGPAN ama gam leh iminam khantou na ding in hing zang chiet te hen.kideih sah na zal a genkhiel genval a om kha te MANGPA min in kingai dam in ahoi ding leh akhangtou ding in ikikum tou tou ding uh hi. MANG PAN IMINAM SUNG AH PASIEN ADDRESS MAN ZANG CHIET THEI DING IN THUPHA HING PIE CHIET TA HEN. MANGPA LENGGA HUON A, NA NASEP PI UH. Pst. John Paun no ZO ZCF (Cheras) Church Pastor. Malaysia.20/05/2013. __._,_.___

No comments:

Post a Comment