www.24work.blotsport.com

Blogger Widgets Blogspot Tutorial Blogger Widgets Blogspot Tutorial

Thursday, May 23, 2013

Tulaai Leitung thuthang tuamtuam updates

Tulaai Leitung thuthang tuamtuam updates. · Indonesia gam Jakarta khuapi a om Kawlgam palaai zumpi bomb tawh simding a kithawite lak ah kihelding a upmawh mikhat zanni 5/22/13 ni nitaaklam in Indonesia palikte in man uha, tuni 5/23/13 ni zingsanglam in adangkhat a inn sung ah bomb bawlnading a kizang vanpawlkhat tawh man leuleu uhhi ci in tuni in Indonesia pailkte in taangkokhia uhhi. · China-Myanmar kilawmtaatna vaaihawmpawl sapnatawh ongtungding June kha kaalnihna sung in Kawlgam Mualtungmi namkee party kipawlkhopna UNA makaaite China gam ah ni 10 sung thukanding in zinkhiading uha, ZCD makaai sungpan khat kihelding uhhi.(zanni in thautawi kicikha in thautawi hilo in party hi zaw hi.) · Kum 40 sungkiim ah amasapeen kawlgamzinding in Japan kumpi Shinzo Abe 5/24/13 ni Japan gampan dingkhia tading hi. Kawlgamsung a om sung in kawlgam kumpi U Thein Sein, Daw Aung San Suu Kyi leh sumzonnalam, gamvaailam makai pawlkhat tawh kimuding ci in Japan gam thuneite in genkhia uhhi. · Thailand gam Bangkok khuapi innsungkhat ah 5/21/13 ni in Kawlgam pan a pai lungsimnopsakna zatui Methamphetamine kici tang 400,000 leh thau lawng 4 avek a kigawm asum in Awn $50 manding Thailand palikte in amatkhiatna hang in Thailand-Myanmar gamgi ah khauhtak a sitding in Thailand Prime minister 2 na pa in tuni 5/23/13 ni in genkhia hi. · Naga minamte tenna Kawlgam-India gamgi Sagaing Division Paansawng khua leh akiim apaam teng ah kialtung in antang hamsa mahmah ahihman in India gampan in sumtampi tawh kilei hi ci in NSCN/K te in taangkokhia uhhi. · Japan gammi Yuichiro Miura kum 80 ,puteekkhat asana pi 3,000 Everest mualdawnkuui ah tuni 5/23/13 ni in kahtozo ahihman in leitungbup ah akumtampeen Everest mualdawnkuikahmasapa in kiciamteh hi. Amahpeen nih vei vilvel akahna hita a, makaalsung a kah sawm Nepal gammi Min Bahadur Sherchan kum 81 tawh akidem tawntungkhat ahihi. · Tunung USA gam Oklahoma khuapi Moore veeng a Tornado kici pingpei nunnahang in suplawhbaailawhna kigawmvekpi asum in $1.5 billion pan $2 billion hiding a USA taangthusung ah atamsuppeennate lak ah kihelhi ci in Kinetic Analysis kipawlna te in tuni 5/23/13 ni in pulaakkhia uhhi. · S Korea gam ah 5/22/13 ni in pasal kum 38 khat nuntaakna hamsa salua leitung cimtak ahihman in sinuam in inn dawl 11 tungpan atuahsukleh naupang numeino kum 5 khat alutungkhasuk in anih un sipah uhhi. · JP Morgan's CHASE international bank division te in customer te I file tuamtuam akitaangsam bang in akepcing zawhlohman leh amanlo a lam ahilhna hang in Financial Conduct Authority (FCA) te in £3m liauding in tuni 5/23/13 in thupia uhhi.

No comments:

Post a Comment