www.24work.blotsport.com

Blogger Widgets Blogspot Tutorial Blogger Widgets Blogspot Tutorial

Saturday, June 8, 2013

Tulaai Leitung thuthang tuamtuam updates June 8, 2013 · Kawlgam Pituh Lutdaw Makaaipi Tura U Swe Maan 6/9/13 ni in American Republican Makaaipi John Boehner sapnahang in USA te I Lutdaw tawh kisai kantelding in Washington DC ongtungding a 6/13/13 nidong taamding hi. · Kawlgam sung Rakhaing state Sittwe khuapi ah nung June 8,2012 nipan kipan Rakhaing gam a buaina kumkhatcinphawkna leh lunglen khuangaihsuutna 6/8/13 ni in Rakhaing gam sangnaupang kipawlnate makaihna tawh kibawl hi. · Kawlgamsung a namkee thautawi pawl ahi Shan gam saklam akiphual Palong minate pawl TNLA te leh Kawlgam gaalkaapte Maykha beipan 6/8/13 nidong nasiatak in kikaap ngekngek uh ahihman in khuami nautaang gaaltaai 30,000 vaal ta hi. · Malaysia gamsung ah Kawlgammi te leh Kala Muslim te buaina vengnaailo a 6/7/13 ni in Klang Utama ah Kawlgammi misisakhat ninpaihna ah kimu in, 6/8/13 ni leuleu ciang Kuantan ah khatmah kimu hi. Tuaban ah Rakhaing minam mi 6 innsaapna ah aihmutkaal un 6/8/13 nizan in kiluh leuleu a minih mangcip hi. June ni 3 ni a vanleei a vaak Karen minam mi 6 te zong min navuagawp in nih zato kipuak a 6/8/13 ni mah in khat in leitung nuasia hi. Zomi te pil vaang ni maw · USA gam California state Santa Monica College ah 6/7/13 ni in mikhat in mibankaap a palikten zong amah lehkaapkik ahihman in mikaap pa leh adang nga te in sihlawh uhhi. Hih mikaappa peen nungkumsung in khuakdamlohnatawh zato alumngeikhat ahihi. · South Africa President luui Nobel Peace Prize Nelson Mandela kum94 tuapsung damlohna hang in 6/8/13 ni in zato kipuak a amah le amah in naakzosam himah leh gim mahmah hi. · Swedish Princess Madeleine kum 30 leh US-British businessman Christopher O'Neill te Sweden khuapi Stockholm ah 6/8/13 ni in pumkhatsuahna nei uhhi. Amau geelpeen tuma kum 2 laai Madeleine New York khuapi ah NGO na aseplaaipan kingai uh ahihi. · USA gam Taxes state a om Video kineihsiam minthang Shannon Richardson May kha sung in President Obama ngahding in gukisawh laaikhaktawh kizom hi cih ngawhnatawh 6/7/13 ni in kiman hi. Hih thu ah Ms Shannon Richardson amawhna akimuhleh kum 10-20 thong kikhiading ahihi. · Libya gam khuapi Benghazi khuapi ah kumpi deihlohna hang in mipi lungphona nasiatak in 6/8/13 ni in piang a kumpi lamte in akhaamnapan langnih buaina nasiatak in piang in mi 7 si in adang 100 vaal liam uhhi. Zomitv.com na hawh hamtang ve

No comments:

Post a Comment