www.24work.blotsport.com

Blogger Widgets Blogspot Tutorial Blogger Widgets Blogspot Tutorial

Monday, July 15, 2013

ခင်ပွန်းဖြစ်သူကို အနုပညာ အလုပ်တွေ ပြန်လုပ် စေချင်တဲ့ မေသူ - THIT HTOO LWIN

ခင်ပွန်းဖြစ်သူကို အနုပညာ အလုပ်တွေ ပြန်လုပ် စေချင်တဲ့ မေသူ - THIT HTOO LWIN

ခင်ပွန်းဖြစ်သူကို အနုပညာ အလုပ်တွေ ပြန်လုပ် စေချင်တဲ့ မေသူ

YTalk

သရုပ်ဆောင်လွင်မိုးနဲ့ ဇနီးဖြစ်သူ မေသူတို့က သာယာ ပျော်ရွှင်တဲ့ မိသားစု ဘဝလေးကို တည်ဆောက် ခဲ့တာ အခုဆိုရင် အိမ် ထောင်သက် ၁၆နှစ်ကျော် ခဲ့ပြီဖြစ်ပါတယ်။ အခုလို အောင်မြင်တဲ့ အိမ်ထောင် တစ်ခုရဲ့လျှို့ ဝှက်ချက်ကို မေးတော့ ” ကိုယ်ချင်းစာ တရားနဲ့ နားလည်မှုပါပဲ။ ကိုယ်ဆိုရင် ဒီလိုကိုယ့် ကိုဆက်ဆံတာ မကြိုက်ဘူး ဆိုရင် ကိုယ်လည်း သူ့ကို မဆက်ဆံ ဘူးပေါ့။ လူ့ ဘဝမှာ အခက်အခဲ ကတော့ အနည်းနဲ့ အများအသေးနဲ့ အကြီးပဲ ကွာပါတယ်။

အခက် အခဲကိုတော့ ကြုံရတာပေါ့။ အိမ်ထောင်တစ်ခုကအဖေ တစ်ဝက်၊အမေတစ်ဝက် လိုတာအကုန်လုံးကိုနှစ် ယောက်စလုံး တိုင်တိုင်ပင်ပင် ညှိညှိနှိုင်းနှိုင်းနဲ့ နှစ်ယောက် စလုံးရဲ့အခက် အခဲ၊ နှစ်ယောက်စလုံး ဖြေရှင်းရမယ့် ကိစ္စ၊နှစ်ယောက် စလုံးလုပ် ရမယ့်အလုပ်လို့ သဘောထား ပြီးတော့ ဘာမဆို အတူလက် တွဲပြီးဖြေရှင်းဆောင် ရွက်ကြပါတယ်” လို့ ပြောပါတယ်။

သမီးတွေဖြစ်တဲ့ ယွန်းဝတီလွင်မိုးနဲ့ ယွန်းနဒီလွင်မိုးတို့ ကိုလည်းရင်အုပ်မကွာ အမြဲတမ်းစောင့်ရှောက်ကြည့်ရှုဖြစ်ကြောင်းကိုလည်း” မိန်းကလေးတွေဖြစ်တဲ့ အတွ က် ယောက်ျားလေးလောက် လွတ်လွတ်လပ်လပ်တော့ ထားလို့ မရဘူးပေါ့။ ကိုယ်ကရင်အုပ်မကွာသွားတာရော၊ လာတာရော၊နေတာ ထိုင်တာ၊ စားတာသောက်တာ ၊ပြောတာဆိုတာအကစ ငယ်လည်း ငယ်သေးတဲ့အရွယ်ဆိုတော့ အဖေတစ်လှည့်၊ အမေတစ်လှည့် မျက်ခြေမပြတ်ကို လိုက်လံထိန်းသိမ်းစောင့် ရှောက်ရပါတယ်” လို့ပြောပါတယ်။

ခင်ပွန်းဖြစ်သူက စီးပွားရေးဘက်ကိုပဲအချိန် ပြည့်ပေးထားတာဖြစ်ပြီး အချိန်ရရင်တော့ အနုပညာအလုပ်တွေ ကို ပြန်လုပ်စေချင်ကြောင်း ကို မေသူက ” သူရိုက် ဖို့စီစဉ် ထားတဲ့ဇာတ်ကား တွေရှိတယ်။ သူစိတ်ကူးယဉ်ပြီးဝယ်သိမ်းထားတဲ့ ဝတ္ထုတွေ ရှိတယ်။ အဲဒါတွေ
ကိုတော့ သူအချိန်ရရင်ပရိုဂျူဆာအနေနဲ့တော့ ထုတ်စေချင်တာပေါ့။

ဒါပေမဲ့သူက လုံးဝကို လှည့်မကြည့်နိုင်သေးဘူး ဖြစ်နေတယ်။ အရင်တုန်းက ဆင်ဆာတွေမရတာနဲ့ ဒီဇာတ်ကိုပြင်ရမှာနဲ့အကြောင်း အမျိုးမျိုးေ တွကြောင့် နှမြောလို့ သိမ်းထားတာတွေ ရှိပါတယ်” လို့ပြောပါတယ်။

သမီးဖြစ်သူတွေရဲ့အနာဂတ်ကိုမိဘတစ်ဦးအနေနဲ့ မျှော်မှန်းချက်ကတော့ ” အခုကတော့ ခေးခေးက အနု ပညာအလုပ်ဆိုရင် Photo မော်ဒယ် အနေနဲ့ပဲ လုပ်မယ်။ တီဗီကြော်ငြာ တွေရိုက်မယ်။ ဒါပဲ။ သူရိုက်ချင်တဲ့ မဂ္ဂဇင်း ဓာတ်ပုံတွေ ရိုက်မယ်။ အဲဒီလောက်ပဲ။

ကျောင်းလည်း ရှိတယ်ဆိုတော့စနေ၊ တနင်္ဂနွေကိုတောင် ဖြစ်နိုင် ရင် စနေတစ်ရက်ရိုက်၊ တနင်္ဂနွေနားပြီးရင် ကျောင်း ပြန်တက်၊ အဲဒီလိုလုပ်နေရ တယ်။ဇာတ်ကားတွေ၊ ဗီဒီ ယိုတွေရိုက်ဖို့ဆိုတာတော့ ကလေးကတအား ငယ်သေး တော့ပညာရေးဘက်ကို လစ်ဟင်းသွားမှာစိုးလို့ လက်မခံသေး ဘူး။ ကျောင်းတော့ ပြီးအောင်တက်ရမယ်လို့ ကျွန်မရော၊ကိုလွင်မိုးရော သူ့ကိုပြောထားတယ်။ ကျောင်းပြီးမှ၊ ဘွဲ့ရမှ သူဝါသနာပါရင် သူဆက် လုပ်ချင် တယ်ဆို ရင်တော့ပံ့ပိုးပေးရမှာပေါ့။ သူက အောက်တိုဘာလဆိုရင် ၁၅ နှစ်ပြည့်တော့မယ်။

အငယ်လေးကတော့ အခု ၁၁ နှစ်ပြည့်မှာဆိုတော့ အိမ် မှာဆော့တုန်း၊ ကစားတုန်းပဲ။ သူ့အစ်မဓာတ်ပုံရိုက်တာ မြင်ရင်တော့သူရိုက်ချင်တယ်။ ဒါပေမဲ့ သူနားမလည်သေးပါဘူး။ ကလေးဆိုတော့ သူဘာဖြစ်ချင်မှန်း မသိသေးပါဘူး။ မိခင်တစ်ယောက် အနေနဲ့တော့ အကောင်းချည်း ပဲမျှော်မှန်းထားတာပေါ့။ ဘက်စုံပညာထူးချွန်ပြီး ကိုယ့်ခြေထောက်ပေါ် ကိုယ်ရပ် နိုင်တဲ့လူ၊လိမ္မာယဉ်ကျေးတဲ့ လူ၊ ထူးချွန်ထက်မြက်တဲ့လူ၊ မိဘတွေကတော့ အကောင်းချည်းပဲဖြစ်စေချင်ပါတယ်” လို့ ပြောပါတယ်။

ခိုင်ဝေလွင်

No comments:

Post a Comment